562

10 января 2020 в 10:24

Томпоттон төрүттээхтэри кытта көрсүһүү

 

Ил Түмэн тутууга, дьиэ-уот коммунальнай хаһаайыстыбатыгар уонна энергетикаҕа сис кэмитиэтин бэрэссэдээтэлэ Яков Ефимов Томпоттон төрүүттэх биир дойдулаахтары кытта үгэс буолбут көрсүһүүтэ ахсынньы 27 күнүгэр парламеҥҥа буолан ааста.

Өрөспүүбүлүкэ дьокутаата Яков Ефимов Дьокуускай куоракка олорор Томпоттон төрүттээх уопсастыбанньыктары, бэтэрээннэри кытта үгэс буолбут көрсүһүүнү ыытта.
Кини сыл устата дьокутаат быһыытынан үлэтин түмүктэрин кэпсээтэ, 2019 сылга парламент сүрүн ситиһиилэрин бэлиэтээтэ. Соторутааҕыта Томпо оройуонугар үлэлээбитин, олохтоох нэһилиэнньэни ханнык боппуруостар, кыһалҕалар долгуталларын иһитиннэрдэ.
Яков Ефимов саҥа үүммүт сылга өрөспүүбүлүкэҕэ эмиэ түмсүүлээх үлэни ирдиир уустук соруктар туралларын бэлиэтээтэ.
Сис кэмитиэт бэрэссэдээтэлэ бэтэрээннэри Саҥа дьылынан эҕэрдэлээтэ, кинилэргэ кытаанах доруобуйаны, дьиэ кэргэттэригэр дьолу уонна уйгулаах олоҕу баҕарда, дьаныардаах уонна таһаарыылаах үлэлэрин иһин махтал тылларын эттэ.

Поделиться