669
24 ноября 2017 в 10:45
Сис кэмитиэттэр састааптара уларыйда
Сэтинньи 22 к. XXXII (уочараттаах) пленарнай мунньахха норуот итэҕэллээхтэрэ “Саха Өрөспүүбүлүкэтин Судаарыстыбаннай Мунньаҕын (Ил Түмэн) сорох сис кэмитиэттэрин уонна хамыыһыйатын састааптарыгар уларытыылар тустарынан уонна “Саха Өрөспүүбүлүкэтин бэһис ыҥырыылаах Судаарыстыбаннай Мунньаҕын (Ил Түмэн) сис кэмитиэттэрин уонна хамыыһыйатын састааптарын туһунан” Судаарыстыбаннай Мунньах (Ил Түмэн) уурааҕар уларытыылары киллэрэр туһунан” уураах барылын ылыннылар.
Тус сайабылыанньаларыгар олоҕуран, Саха сирин народнай депутаттара Юрий Баишев, Константин Борисов, Владимир Прокопьев парламент бюджекка, үпкэ, нолуок уонна сыана политикатыгар, бас билии уонна приватизация боппуруостарыгар сис кэмитиэтин чилиэннэринэн талылыннылар. Манан сибээстээн Юрий Баишев тыа сиригэр уонна аграрнай политикаҕа сис кэмитиэт састаабыттан таһаарылынна.
Итини сэргэ сайабылыанньаларга олоҕуран депутат Константин Борисов Ил Түмэн наукаҕа, үөрэххэ, култуураҕа, сонуну киэҥник тарҕатар ситимнэргэ уонна общественнай тэрилтэлэр дьыалаларыгар сис кэмитиэт састаабыгар киллэрилиннэ, оттон депутат Акулина Стручкова – олохтоох салайыныы боппуруостарыгар сис кэмитиэт састаабыгар.
