763
07 октября 2016 в 12:39
Егор Борисов: Госдума Уһук Илини сайыннарыыга дьоһун соруктары ылыныахтаах
Уһук Илин инники сайдыыта Госдума оІорбут тилэри толкуйдаммыт, чопчу уонна чуолкай мехнизмнарыттан быһаччы тутулуктаах. Ити туһунан Саха сирин баһылыга Егор Борисов «Россия сегодня» агентствоҕа биэрбит интервьютугар эттэ.
Балаҕан ыйын 18 күнүгэр талыллыбыт Госдума саҥа састаабын бастакы мунньаҕа буолла.
«Сокуону оҥорор уоргантан элбэҕи күүтэбит. Бастатан туран, Госдума Уһук Илини сайыннарар чопчу уонна чуолкай механизмнары оҥоруохтаах. Итинтэн дойду бүтүннүүтүн сайдыыта тутулуктанар. Туһаҕа тахсыбакка турбут сир-уот, кыах Арассыыйа туһугар үлэлиэхтээхтэр», — диир Егор Борисов.
Регион баһылыга эппитинэн, «Биир ньыгыл Арассыыйа» баартыйаттан талыллыбыт элбэх дьокутаат РФ субъектарын араас санааларын аахсарга, учуоттуурга олугу ууруохтаах.
