Максим Топилин Саха сиригэр сырыыта

Бастатан туран, Максим Топилин Ил Дархан Егор Борисовы кытары тутулла турар инбэлиит оҕолор доруобуйаларын чөлүгэр түҺэрэр киини көрдө-иҺиттэ. Киин 100 сытар уонна 150 күнүскү миэстэлээх. Бу киин иҺинэн оҕолор эмтэниэхтэрэ, психологическай, социальнай-олоххо-дьаҺахха реабилитацияны ааҺыахтара. Бассейн, спорт саалата, сылгы хаһаата, ыалдьыттар дьиэлэрэ — ити барыта тутулла турар эбийиэк бырайыагар баар. Тутуу 250 миэстэлээх, 12,5 тыһ. кв. м иэннээх. Ил Дархан эппитинэн, эбийиэги тутууга Һүнэр көлүөнэ фондатын үбэ-харчыта улахан оруолу ылбыт. Бүгүҥҥү күҥҥэ ити фондаттан уопсайа 660 мөл.солк. туһаныллыбыт. Тутууну бүтэрэргэ эбии  400 мөл. солк. наада. Тутууну түмүктүүргэ Федеральнай инвестиционнай бырагыраамаҕа сайаапка бэриллибитин бэлиэтиир наадалаах.

Салгыы делегация Инбэлииттэргэ идэ биэрэр уонна социальнай өттүнэн реабилитациялыыр техникум-интернакка сырытта. Максим Топилин үөрэхтэрин түмүктээбит оҕолору үлэнэн хааччыйар наадатын бэлиэтээтэ.

Салгыы Медицина нацио­нальнай киинин үлэтин-хамнаҺын  билистилэр. Аныгы технологиянан үлэлиир лабораториялары көрдүлэр. Оҕо ийэтин иҺигэр сырыттаҕына диагностикалааҺын түмүгэр демографическай балаҺыанньа тупсарын Егор Борисов бэлиэтээтэ.

Максим Топилин Саха сиригэр сырыытын кэн­ниттэн инбэлииттэри реабили­тациялыыр кииннэр үчүгэй үлэлэрин, медицинскэй көмө сүнньүнэн үӨсүү суоҕун, атын регионнарга үлэлиир реабилитациялыыр кииннэри кытта сибээстэҺэр, бэйэ уопутун атастаҺар наадатын бэлиэтээтэ. Ордук тутулла турар оҕо доруобуйатын чөлүгэр түҺэрэр киин инникитин көдьүүстээх буолуоҕар эрэнэрин биллэрдэ. «Бу Уһук Илиҥҥэ биир бастыҥ  киин буолуоҕар бүк эрэнэбин. Инбэлииттэр мэһэйэ суох сылдьар эйгэлэрин үөскэтиигэ Саха сирэ Арассыыйа атын регионнарыгар холобур буолуон сөп», — диэтэ Максим Топилин.