870
23 октября 2015 в 19:45
Патриоттары иитэр туһунан
Федерация Сэбиэтин чилиэнэ Сергей Цеков үөрэх тэрилтэлэригэр, ол иһигэр кинилэр общественнай тэрилтэлэри кытта хардарыта үлэлэригэр, оҕолору сиэр-майгы өттүнэн уонна партиоттуу тыыҥҥа иитиини көрөр сокуон барылын Госдумаҕа киллэрдэ. Докумуоҥҥа «Российскай Федерацияҕа үөрэх туһунан» сокуоҥҥа уларытыылары киллэрэр туһунан этиллэр.
«Үөрэх үлэтин ыытар тэрилтэлэр сүрүн үөрэтэр программалары уонна эбии уопсай үөрэх программаларын олоххо киллэриигэ оҕолору уонна ыччаты сиэр-майгы өттүнэн, патриоттуу тыыҥҥа иитэллэр, ол иһигэр оҕолор уонна ыччат интэриэстэрин көмүскүүр общественнай тэрилтэлэри уонна хамсааһыннары кытта хардарыта үлэлэригэр», — диэн сокуон барылыгар ыйыллыбыт.
РФ гражданнарын патриот тыыныгар иитии соруга оҕолорго уонна ыччакка сыһыаннаан ордук улахан болҕомтону ирдиир, «чуолаан кинилэри иитии, ол иһигэр патриоттуу тыыҥҥа иитии, дойду кэскилин быһаарар» диэн ааптар быһаарыы сурукка ыйар.
Бу сорук үөрэх туһунан Федеральнай сокуоҥҥа туһааннаах нуормалары киллэриинэн быһаарыллыан сөп.
Федерация Сэбиэтин саайтыттан.
