14 сентября 2018 в 10:11

Владимир Федоров мэр бастакы солбуйааччытынан ананыаҕа

Дьокуускай куорат саҥа талыллыбыт баһылыга Сардаана Авксентьева Владимир Федоровы бастакы солбуйааччытынан аныаҕа. Ити туһунан кини социальнай ситимҥэ бэйэтин страницатыгар иһитиннэрдэ, ону сэргэ мэрияҕа үлэтин бастакы күнүн туһунан кэпсээтэ.

«Мин бастакы солбуйааччыбынан Владимир Федоров буолуоҕа диэн иһитиннэрэбин. Биһиги дьон-сэргэ өйүгэр-санаатыгар олохсуйбут чунуобунньуктар курдук буолар идеябыт суох, куорат туһугар үлэлиэхпит. Дьыалаларынан дьон итэҕэлин муҥутуур толорор санаалаахпыт. Быыбар кэнниттэн Дьокуускайга салгын кытта эһиги эрэлгитинэн туолбут курдук. Биһиэхэ үлэ биэрээччибит эрэлинэн. Бүгүҥҥүттэн саҕалаан биһиги дьону кэлэппэт курдук, туох баар күүспүтүн ууруохпут», — диэн суруйбут Сардаана Авксентьева.

Дьокуускай баһылыга дуоһунаһыгар официальнайдык балаҕан ыйын 17 к. киириэҕэ. «Ити кэмҥэ диэри дьыала хайдаҕын үөрэтиэххэ наада. Бастатан туран, сылытыыга болҕомтону ууруохпун баҕарабын. Бырагыраама быһыытынан иһитиннэрбит былааннарым, эһиги онуоха эрэниэххитин сөп, толоруллуохтара. Олор бюджеты, куорат олох-дьаһах коммунальнай хаһаайыстыбатын, бэрээдэги уонна үлэ бары хайысхалара дьэҥкир буолуутун таарыйаллар. Барыта бэбиэскэҕэ баар. Дьыала, дьиҥинэн, хайдаҕын билэр-көрөр олус интэриэһинэй, Ити аһаҕастык иһитиннэриллибити кытта төһө сөп түбэһэрин», — диэн бэлиэтээтэ Дьокуускай баһылыга.

Санатан эттэхпитинэ, Владимир Федоров Дьокуускай куорат баһылыгын дуоһунаһыгар быыбар иннинээҕи күрэстэһииттэн бэйэтэ туруоруллубут “Родина” партиятынан уһуллубута. Кэккэ суукка быһаарсыы кэнниттэн, хандьыдаат быһыытынан төннөрүллүбэккэ эрэ, Сардаана Авксентьеваны өйүүрүн туһунан иһитиннэрбитэ.

News.Ykt.Ru