«Үлэҕэ уонна оборонаҕа бэлэммин»

Дойду президенэ Владимир Путин 2014 сыл кулун тутар 24 күнүгэр ГТО-ну сөргүтэр туһунан дьаһала тахсыбыта. Араас саастаах бөлөхтөргө анаан 11 сүһүөхтэн турар нуорма бэлэмнэммитэ. 2016 сыл тохсунньу ыйыттан комплекс дойду бары оскуолаларыгар кииирбитэ. 2017 сылтан – үлэлиир ыччакка, устудьуоннарга уонна сулууспалаахтарга, 2018 сылтан — нэһилиэнньэ бүттүүнүгэр. Манна сиэттэрэн, Ил Түмэн депутаттара ГТО олоххо киириитигэр күүскэ ылсан үлэлииллэр. Ол курдук, сыл ахсын, Ил Түмэн депутаттара, аппараат үлэһиттэрэ сааһынан учуоттаммыт ГТО нуорматын туттараллар.

Балаҕан ыйын 17 күнүгэр, инстаграмм социальнай ситимин @gazeta.iltumen хаһыат страницатыгар @gto_sakha иһитиннэрдэ:

— СӨ Ил Түмэнин ыччат дьыалаларыгар, физкультураҕа уонна спортка сис кэмитиэтин бэрэссэдээтэлэ Михаил Гуляев  60-65 саастаахтарга “Кыһыл көмүс” 10 сүһүөх ГТО нуорматын ситиһиилэхтик толордо!

Мантан көстөрүнэн, кэмитиэккэ Саха сирин спордун өйөөһүҥҥэ үлэ тигинэччи барар.

Бэйэбит корр.