772
15 мая 2015 в 12:40
Күбүрүнээтэр икки больдох устата олорорун бобор туһунан
Бу нуорма былаас уларыйыытын уонна саҥардыллыытын мэктиэлиэҕэ. Маныаха болдьоҕу ааҕыы 2012 сылтан – күбүрүнээтэрдэри быыбардааһын төннүөҕүттэн ыла саҕаланар, ол иннинээҕи кэмҥэ бары болдьохтор аахсыллыбаттар.
РИА «Новости» иһитиннэрбитинэн, парламент аллараа палаатата регионнар күбүрүнээтэрдэрэ бэйэлэрин постарыгар икки үргүччү болдьохтон ордук олороллоро табыллыбатын туһунан сокуон барылын бастакы ааҕыыга ылынарыгар Госдума конституционнай сокуоннарга уонна судаарыстыбаннай тутууга кэмитиэтэ оптуорунньукка сүбэлээтэ.
Көннөрүүнү «Сиэрдээх Россия» фракция баһылыга Сергей Миронов, РФКП лидерэ Геннадий Зюганов, РЛДП лидерэ Владимир Жириновскай, «Биир ньыгыл Россия» фракциятын салайааччыта Владимир Васильев көҕүлээбиттэрэ.
Бу көннөрүү «Российскай Федерация субъектарын судаарыстыбаннай былааһын сокуону оҥорор (бэрэстэбиитэллээх) уонна толоруулаах уорганнарын тэрийии уопсай тускулларын туһунан» федеральнай сокуон 18 ыстатыйатыгар киллэриллэр.
Итинник нуорма былаас уларыйыытын уонна саҥардыллыытын мэктиэлиэҕэ. Маныаха бириэмэни ааҕыы 2012 сылтан саҕаланар – күбүрүнээтэрдэри быыбардааһын сөргүтүллүбүт кэмиттэн, оттон ол иннинээҕи болдьохтор нуулунан ааҕыллаллар.
