Уһук Илин урутаан сайдыытыгар миэрэлэр

Федерация Сэбиэтин 385-с мунньаҕар «Уһук Илин урутаан сайдыытыгар усулуобуйалары үөскэтиигэ миэрэлэр тустарынан» ФС уурааҕын барылын туһунан боппуруос көрүлүннэ.
Бу темаҕа дакылааты ФС федеративнай тутулга, регион политикатыгар, олохтоох салайыныыга уонна Хоту сир дьыалаларыгар кэмитиэтин бэрэссэдээтэлин бастакы солбуйааччыта Степан Киричук оҥордо.
Кини санаппытынан, үөһээ палаата бу иннинээҕи 384-с мунньаҕар Уһук Илин урутаан сайдыытыгар усулуобуйалары үөскэтиигэ миэрэлэр тустарынан Уураах төрүтүнэн ылыллыбытын эттэ.
«Киирбит этиилэри уонна бэлиэтээ­һиннэри учуоттаан, кэмитиэт уураах барылын ситэ оҥордо», – диэтэ Степан Киричук.
Сенатор эппитинэн, уураах барылыттан биир суолталаах боппуруос таһаарыллыбыт – Дьокуускай куорат чугаһыгар холбоһуктаах массыына-тимир суол муостатын тутуу туһунан. РФ Бырабыыталыстыбатын кытта сөбүлэһии быһыытынан ити боппуруос атын Уураахха көһөрүлүннэ диэн Степан Киричук чопчулаата.
Кини иһитиннэрбитинэн, докумуону бэлэмнээһиҥҥэ РФ Бырабыыталыстыбатын Бэрэссэдээтэлин солбуйааччы Дмитрий Рогозин кыттыаҕа уонна Арктика зонатыгар РФ-ҕа национальнай куттал суох буолуутун хааччыйыыга миэрэлэр тустарынан боппуруоһу көрөр түгэҥҥэ түмүктэниэҕэ.
Ыйыллыбыт көннөрүүлэри учуоттаан сенатордар уурааҕы ылыннылар.

РФ ФМ Федерация Сэбиэтин пресс-сулууспатын
хаартыскалара.