120 нэһилиэнньэлээх пуун ууга барыан сөп

Быйыл Саха сирин 24 оройуонугар 45 тыһыынчаттан ордук киһи олорор 120 нэһилиэнньэлээх пуун халаан уутун билиэнигэр түбэһиэн сөп. Ити туһунан сэрэдэҕэ Нэһилиэнньэ олоҕор-дьаһаҕар куттал суох буолуутун хааччыйыыга регионнааҕы кэмитиэккэ иһитиннэрдилэр.
«Сааскы уонна сайыҥҥы халаан кэмигэр, мөлтөх балаһыанньа үөскээтэҕинэ, өрөспүүбүлүкэҕэ уу 24 эбийиэгэр уу таһыма үрдүөн сөп. Ол түмүгэр 24 муниципальнай тэриллиигэ 123 тиийэ нэһилиэнньэлээх пууну уу ылар куттала баар», — диэн биэдэмистибэҕэ бэлиэтииллэр.
Кэмитиэккэ эбэн эппиттэринэн, халаан уутугар 8 тыһыынча олорор дьиэ түбэһиэн сөп, онно 45,5 тыһ. киһи олорор, ол иһигэр 15,5 тыһ. тахса оҕо. Аны туран, 20-ҕэ тиийэ социальнай суолталаах эбийиэккэ, 17 экономика эбийиэгэр (ол иһигэр сөмөлүөт көтөр-түһэр икки балаһата, 5 ньиэп базата, ньиэп турбатын учаастага, гаас турбатын 2 учаастага, таас чохтоох разрез, ньиэби харайар былаһаакка), 1,6 км массыына суолугар уонна 5 муостаҕа уу халаана суоһуур.
Кэмитиэт дааннайдарынан, 16 тыһыынчаттан тахса киһилээх, 2 тыһыынчаттан тахса единица техникалаах, 127 устар тэрил, 15 авиация техниката састааптаах Саха сиринээҕи гражданскай оборона тиһигин бөлөҕө тэрилиннэ.