Аһаҕас истиилэр буолуохтара

СӨ Судаарыстыбаннай Мунньаҕын (Ил Түмэн) Регла­менын 46 ыстатыйатын 2 чаа­һыгар сөп түбэһиннэрэн, “Саха Өрөспүүбүлүкэтин Баһылыгын туһунан” Саха Өрөспүүбүлүкэтин Конституционнай сокуонун 8 ыстатыйатыгар уларытыыны киллэрэр туһунан” Саха Өрөспүүбүлүкэтин конституционнай сокуонун барылын көрүүгэ Ил Түмэн судаарыстыбаннай тутууга уонна сокуону оҥорууга сис кэмитиэтин киэҥ ыҥырыылаах мунньаҕын чэрчитинэн аһаҕас истиилэр ыытыллыахтара.

Итини сэргэ мунньах бэбиэскэтин барылыгар кэккэ боппуруостар киллэрилиннилэр, ол иһигэр: Саха Өрөспүүбүлүкэтин судаарыстыбаннай былааһын толорор уорганнарын 2018 сыллааҕы үлэтин түмүктэрин туһунан өрөспүүбүлүкэ баһылыгын отчуота (СӨ Ил Дарханын уонна Бырабыыталыстыбатын администрациятын салайааччы Ф.М. Борисов дакылаата); СӨ-гэр киһи быраабыгар Боломуочунай 2018 с. үлэтин туһунан С.М.Гурьева дакылаата; СӨ Ааҕар-суоттуур палаататын 2018 с. үлэтин туһунан отчуот уо.д.а.
Аһаҕас истиилэр 2019 с. муус устар 18 к. Саха сирин парламенын 330 №-дээх аччыгый мунньахтыыр саалатыгар 11.00 чаастан саҕаланаллар.

Ил Түмэн пресс-сулууспата