Айанньыттар саамай бастыҥ хайысхалары таллылар

Бу рейтинг норуот куоластааһынын төрүтүгэр оҥоһуллубут, тэрээһин Momondo Open World Award бириэмийэ чэрчитинэн ыытыллыбыт. Куоластааһыҥҥа Россияттан 13,5 тыһ. айанньыт кыттыбыт.
«Бастыҥ ис хайысханан Санкт-Петербург билинилиннэ, — диир Ирина Рябовол, норуоттар икки ардыларынааҕы көрдүүр система бэрэстэбиитэлэ. — Биир дойдулаахтарбыт хотугу киин куоракка тапталларын дьыаланан бигэргэтэллэр: сылтан сыл аайы куорат саамай ыйытыллар хайысхалар испииһэктэригэр туруктаахтык сылдьар».
Иккис миэстэни Байкал ылла. Дойдубут айылҕатын саамай бастыҥ миэстэтэ Россия дьонун тардар, ол эрээри онно баҕалаахтар бары тиийэллэр диэбэккин. Үгүстэр Иркутскай куораттан Байкалга айанныыллара биллэр, ол эрээри ааспыт сайыҥҥы көрдүүр ыйытыктартан сыаналаатахха, кини ордук кэрэхсэбиллээх ис хайысхалар ахсааннарыгар киирбэтэх.
Саамай дьон сөбүлүүр хайысхаларын ортотугар үһүс миэстэҕэ Сочи тахсыбыт. Онтон арыый аҕыйах куолаһы Камчатка ылбыт – ити миэстэҕэ сылдьыан баҕалаах үгүс, ол эрээри уһун айаннаах буолан үгүстэр сээбэҥнииллэр. Биэс бастыҥҥа бүтэһигинэн Казань киирбит.
Россияттан тахсыбакка эрэ, Европаҕа чугаһыыр кыаҕы биэрэр Калининград куорат, дойдуттан бүтүннүүтүттэн эрчимнээх айанньыттары бэйэтин ойуурдарынан уонна өрүстэринэн тардар Карелия уон ахсааныгар тахсыбыттар.
Киин куоракка билиэти көрдөөччү ахсаана мэлдьи үрдүгүн иһин, Москва ахсыс эрэ миэстэлээх. Россия үгүс олохтооҕо бу куораты, бастатан туран, дьыалабыай айаннарыгар биир хайысха эбэтэр транзит пуунун быһыытынан көрөр бадахтаахтар.
Тохсус миэстэни Владивосток уонна Эльбрус үллэһиннилэр. Россия Чуумпу акыйааннааҕы аана уонна дойду саамай үрдүк туочуката айанньыттар куоластарын тэҥ ахсаанын ыллылар.
Уон бастыҥ хайысха ахсаанын Краснодар түмүктээтэ – бу куорат туристарга көччүтэр миэстэтэ элбэҕинэн, ону сэргэ муораҕа айанныырга табыгастааҕынан сөбүлэтэр.
Итини таһынан, айанньыттар бэйэлэрин куоластарын Нижнэй Новгородка, Дьокуускайга, Астрахаҥҥа, Екатеринбурга, Самараҕа, Волгоградка, Мурманскайга, Красноярскайга, Новосибирскайга уонна Уфаҕа биэрбиттэр.