811
15 января 2018 в 15:17
Дойдуга көҥүлэ суох киирээччилэргэ саҥа ыстарааптар
Россия Президенэ Владимир Путин көҥүлэ суох миграннарга олорор дьиэни, тырааныспары биэрии эбэтэр атын өҥөнү оҥоруу иһин ыстарааптары 500 тыһ. солк. диэри үрдэтэр сокуоҥҥа илии баттаата. Ити докумуон правовой иһитиннэрии официальнай интернет-порталыгар таһаарылынна.
Туһааннаах көннөрүүлэр РФ административнай сокуону кэһиилэр тустарынан Кодексыгар киллэриллэллэр. «РФ-ҕа сылдьыыга докумуоннары оҥоруу олохтоммут бэрээдэгин эбэтэр кини сирин-уотун нөҥүө транзитынан ааһыы быраабылаларын кэспит Россияҕа баар омук сирин гражданиныгар эбэтэр гражданствота суох киһиэхэ олорор дьиэни эбэтэр тырааныспары биэрии, атын өҥөлөрү оҥоруу иһин” эппиэтинэс кытаатыннарыллар.
Гражданнарга 2 тыһыынчаттан саҕалаан 5 тыһ. солк. диэри ыстарааптар көрүллэллэр, дуоһунастаах сирэйдэргэ — 35-50 тыһ. солк., юридическай сирэйдэргэ — 400-500 тыһ. солк.
