862
27 апреля 2017 в 12:37
Хаһыат кэлэктиибин кытта көрсүһүү
Бэҕэһээ, Өрөспүүбүлүкэ күнүн, Саха Өрөспүүбүлүкэтин Төрүт сокуонун 25 сылын көрсө Ил Түмэҥҥэ спикер Александр Жирков, бэрэссэдээтэли солбуйааччылар Виктор Губарев, Ольга Балабкина, кэккэ сис кэмитиэттэр бэрэссэдээтэллэрэ «Ил Түмэн» хаһыат кэлэктиибин кытта көрүстүлэр.
Бу көрсүһүү төрүөтүнэн «Ил Түмэн» парламент хаһыата Россия прессатын 2017 сыллааҕы «Кыһыл көмүс фондатыгар» киирбитинэн, бэлиэ түгэннэринэн эҕэрдэлээһин буолла.
Көрсүһүүгэ хаһыат сайдар суолун, билиҥҥи кэмҥэ сытыы боппуруоһунан буолар хаһыакка сурутуу тула кэпсэтии таҕыста. Манна СӨ сибээскэ уонна информационнай технологияларга министрэ Александр Борисов кытынна.
Хаһыат үлэһиттэригэр – дизайнер Василий Прокопьевка, корреспондент Ирина Романоваҕа Ил Түмэн Бэрэссэдээтэлин Махтал суруга, корреспондент Татьяна Васильеваҕа Бэрэссэдээтэл Махтала үөрүүлээх быһыыга-майгыга туттарылыннылар.
Түмүккэ Ил Түмэн спикерэ Александр Жирков хаһыакка инникитин да парламент, норуот депутаттарын өттүттэн өйөбүл баар буолуоҕун, хаһыат инники үлэтин тупсарар суоллары тобулууга уонна өрөспүүбүлүкэ нэһилиэнньэтин ортотугар тарҕаныытыгар чопчу дьаһаллары ылыныы наадатын бэлиэтээтэ.
