Харчыны – оскуола иннинээҕи үөрэхтээһиҥҥэ

2018 сыл тохсунньуттан демография бырагырааматын өйөө­һүҥҥэ президент көҕүлээһиннэрэ олоххо киирэллэр. Ийэ (дьиэ кэргэн) хапытаалын бырагыраамата 2021 сылы киллэрэн туран, уһатылынна. Онон 2018 сылтан саҕалаан иккис оҕолорун төрөппүт эбэтэр иитиэх ылбыт, харчыга наадыйар ыалларга Пенсия фондата ый аайы ийэ (дьиэ кэргэн) хапытаалыттан харчы төлүүр.
Итини сэргэ оҕолору оскуола иннинээҕи үөрэхтээһиҥҥэ хапытаалы туһаныыга бу иннинээҕи үс сыллаах мораторий уһуллар. Билигин ийэ (дьиэ кэргэн) хапытаалын харчытын оскуола иннинээҕи үөрэхтээһин бырагыраамаларынан өҥөлөрү төлөөһүҥҥэ уо.д.а. итини кытта сибээстээх ороскуоттарга ыытыахха сөп.
Россия Федерациятын сиригэр-уотугар аккредитация баарыттан-суоҕуттан тутулуга суох, ханнык баҕарар туһааннаах үөрэх өҥөлөрүн оҥорор бырааптаах тэрилтэ төлөбүрдээх өҥөлөрүн ийэ хапытаалын үбүнэн төлүүр кыах олохтонно.
Ийэ (дьиэ кэргэн) хапытаалыттан ый аайы ким харчыны ылыан сөбүй? Дьиэ кэргэн ону төһө өр ылар кыахтаныаҕай? Ону ханна туруорсарый? Төлөбүр кээмэйэ төһөнүй? Ийэ хапытаалын оҕону үөрэтиигэ хайдах ыытыахха сөбүй?
Ийэ (дьиэ кэргэн) хапытаалын туһунан ити уонна да атын үгүс ыйы­тыыларга Саха Өрөспүүбүлүкэтигэр Россиятааҕы Пенсия фондатын салаатын исписэлиистэрин хоруйдарын үлэ күнүгэр 9.00 чаастан 18.00 чааска диэри итии линия төлөпүөнүнэн: 8 (4112) 392-633 нүөмэргэ эрийэн ылыахха сөп.