Ил Дархан оҕо төрөөһүнүн өйүүр ыйааҕа

Демографияҕа быһыыны-майгыны тупсарар сыалтан Айсен Николаев 2019 сыл тохсунньу 1 күнүттэн төрөөбүт оҕолоох дьиэ кэргэттэри өйүүр эбии дьаһаллары олохтоото.
Ол курдук, бастакы оҕолоро төрөөтөҕүнэ эбэтэр оҕо иитэ ыллаҕына, дьиэ кэргэн оҕолорго олохтоммут тииһинэн олоруу алын кээмэйин 2 төгүлүнэн биир кэмнээх харчынан төлөбүрү ылыаҕа. Оттон иккис оҕолоро төрөөтөҕүнэ эбэтэр иитэ ыллахтарына — ийэ (дьиэ кэргэн) хапытаалын кээмэйин 30% саҕа регионнааҕы ийэ хапытаалын.
Үһүс, онтон салгыы оҕо төрөөтөҕүнэ эбэтэр иитэ ылылыннаҕына, кинилэр 3 саастарын туолуохтарыгар диэри, дьиэ кэргэн орто дохуота нэһилиэнньэҕэ орто дохуот кээмэйин аһарбат түгэнигэр, кинилэр оҕолорго тииһинэн олоруу алын кээмэйин саҕа харчынан төлөбүрү ый аайы ылар буолуохтара.
Ити эбии дьаһаллары дьоҥҥо тиэр­­дии усулуобуйаларын уонна бэрээдэгин, үбүлээһини Саха сирин бырабыыталыстыбата икки нэдиэлэ устатыгар быһаарыах тустаах.
Айсен Николаев ыйаа­ҕын олоххо киллэрии дьиэ кэргэҥҥэ уонна демографияҕа ту­һуланар судаарыстыба политикатын боппуруостарын быһаарыыга үтүө сабыдыалланыаҕа, оҕолоох дьиэ кэргэттэр олохторун хаачыстыбатын тупсарыаҕа.
РФ Президенэ Владимир Путин 2018 с. ыам ыйын 7 к. 204 №-дээх Ыйааҕар нэһилиэнньэ ахсаана туруктаахтык үүнүүтүн хааччыйыы РФ 2024 сылга диэри сайдыытын тутаах национальнай сыалларыттан биирдэстэрэ буолара ыйыллар.

СӨ Ил Дарханын уонна
Бырабыыталыстыбатын
пресс-сулууспата.