659
14 августа 2017 в 12:02
#Миирнэйэйигинкыттабииргэбит
Атырдьах ыйын 4 күнүгэр “Мир” шахтаҕа, карьерга баар уу киирэн, улахан саахал тахсыбыта. Ол кэмҥэ шахтаҕа 150-тан тахса киһи үлэлии сылдьыбыт.
Тута “АЛРОСА” АК президенэ Сергей Иванов уонна Ил Дархан Егор Борисов Мииринэйгэ быһыыны-майгыны билсэ тиийбиттэрэ. Саахал тахсыбыт күнүгэр шахтаттан 142 киһини өрүһүйбүттэр. Билигин аҕыс киһини көрдөөһүн үлэтэ бара турар. Дьону быһааһыҥҥа 100-тэн тахса киһи кытта сылдьар.
Алдьархай дойдубут олохтоохторун долгутта. Интернет социальнай ситиминэн Арассыыйа араас муннугуттан #Миирнэйэйигинкыттабииргэбит диэн былакааттаах дьон хаартыскалара тарҕанар. Акцияҕа кыттыспыт дьон санаалара биир — шахтаҕа хаайтарбыт дьон быыһаныахтара уонна чугас дьонноругар этэҥҥэ төннүөхтэрэ. Биһиги редакциябыт шахтердар быыһаныахтарыгар эрэлин сүтэрбэт уонна акция кыттыылаахтарын хаартыскатын бэчээттиир.
“Машина времени” бөлөххө ыллыы сылдьыбыт Евгений Моргулис. Арассыыйа хоккейын федерациятын президенэ Владислав Третьяк, хоккеист Александр Овечкин уонна да атын дьон алдьархайы чугастык ылынан, үтүө тылларынан күүс көмө буолаллар.
