611
17 мая 2018 в 20:06
Ойуур баһаарын туһунан сымыйа сибидиэнньэни биэрээччилэргэ
Ойуур баһаарын туһунан сымыйа сибидиэнньэлэри биэрии иһин ыстарааптыахтара. Туһааннаах сокуон быйыл кулун тутар 18 күнүттэн күүһүгэр киирбитэ.
Толорор былаас боломуочуйалаах федеральнай уорганыгар ойуурга баһаар тахсар кутталын уонна ойуур баһаарын туһунан сибидиэнньэлэри биэрбэтэх эбэтэр кырдьыга суох сибидиэнньэлэри биэрии иһин административнай эппиэтинэс сокуонунан олохтонно.
Маныаха дуоһунастаах сирэйдэр эрэ ыстараабынан накаастаныахтара. Ол курдук, баһаар тахсар кутталын туһунан сибидиэнньэлэргэ сыһыаннаан кинилэргэ 3-тэн 5 тыһ. солк. диэри накаастабыл олохтонно, оттон ойуур баһаарын туһунан сибидиэнньэлэргэ сыһыаннаан – 10-15 тыһ. солк.
Административнай эппиэтинэс туһунан туһааннаах дьыалалары көрүүнэн ойуур судаарыстыбаннай кэтэбилин уорганнара дьарыктаныахтара.
Сокуону Госдума олунньу 21 күнүгэр ылыммыта. Федерация Сэбиэтэ олунньу 28 күнүгэр сөбүлэспитэ. Оттон Президент кулун тутар 7 күнүгэр илии баттаабыта.
Хаартыска Интернеттэн туһанылынна.
