Саха эстрадатын Тимир куолаһа – Дархан циркэҕэ күүтэр

Саха сирин Бриллиантовай циркэтин банкеттыыр саалатыгар үгэс курдук билиҥҥи кэмҥэ уонна ааспыт олохпутугар норуот өрө тутар дьонун кытта көрсүһүүлэр үгэс буоллулар. Бу саҥа сезоҥҥа эмиэ эһиги таптыыр артыыстаргытын кытта көрсүөххүт, кинилэри кытта истиҥник алтыһан ааһыаххыт, ырыаларын-тойуктарын, кэпсээннэрин тутан олорон истиэххит. Бу дьыл сэтинньи 16 күнүгэр куорат олохтоохторун уонна ыалдьыттарын бээтинсэ киэһэ тыыннаах музыка доҕуһуолунан кумиргытын кытта көрсөргүтүгэр ыҥырабыт. Эһигини Кытайга ыытыллыбыт “Жемчужина Востока” норуоттар икки ардыларынааҕы куонкурус Гран-притын хаһаайына, “Саҥа ырыа” телевидение интерактивнай күрэҕин “Омук үтүө үгэстэрин туругурдуу” номинациятын кыайыылааҕа, ырыаһыт, продюсер уонна режиссер, Саха эстрадатын Тимир куолаһын – Никита Баишевы – Дарханы кытта көрсүһүү күүтэр.
Сылаас уонна тупсаҕай эйгэҕэ эһиэхэ анаан этническэй музыканы толорооччу “Сахалар бааллар”, “Көҥүл санаа”, “Саха ыччата”, “Таптал үрдүк” уо.д.а. ырыаларын иһитиннэриэҕэ.
Бу бэртээхэй киэһэ эһиэхэ эрэ анаан: ырыа-тойук, сэргэх кэпсэтии, оонньуулар. Биэчэр уратыта – артыыс эһиги аттыгытыгар, илиинэн уунан тиийэр гына сааланы кытта алтыһыыта. Бу киэһэ эһиги бээтинсэни туһалаахтык атаарыаххыт, ааспыт үтүө кэмнэри ахтан ааһыаххыт, дискотекаҕа үҥкүүлүөххүт.
Эһиэхэ анаан туспа меню бэлэмнэнэр. Остуоллары маннык төлөпүөннэринэн сакаастыаххытын сөп: 8-914-221-00-71.
Саҕаланар кэмэ: 19.00. Киирии­тэ: 500 солк.
Маннык төл. билсиэххитин сөп: 735-537, 42-95-68.