Сергей Ларионовка үрдүк аат иҥэрилиннэ

От ыйын 5 к. РФ Тырааныспарга министиэристибэтин Гербовай саалатыгар Муора уонна өрүс флотун үлэһиттэрин күнүгэр аналлаах бырааһынньык тэрээһинэ буолан ааста. Эҕэрдэ тылы РФ тырааныспарга миниистирэ Евгений Дитрих эттэ.

Миниистир Е.И.Дитрих муора уонна өрүс тырааныспарын тэрилтэлэрин салайааччыларыгар ситиһиилээх уонна өр сыллаах үтүө суобастаах үлэлэрин иһин наҕараадалары туттарда. Россия Тырааныспарга министиэристибэтин үрдүкү наҕараадата – “Россия тырааныспарын Бочуоттаах үлэһитэ” аат “ЛОРП” ПАО генеральнай директора, Ил Түмэн дьокутаата Сергей Ларионовка иҥэрилиннэ.
Бэлиэтээтэххэ, тырааныспар эйгэтигэр С.А.Ларионов 40-ча сыл үлэлиир итиэннэ Россия салгын тырааныспарыгар туйгунунан, Саха сирин авиациятын Бочуоттаах үлэһитинэн буолар. А.Н.Косыгин аатынан бириэмийэни ылбыта, СӨ Президенин уонна Бырабыыталыстыбатын Грамоталарынан, СӨ Баһылыгын, Судаарыстыбаннай Мунньах (Ил Түмэн) Махталынан уо.д.а. наҕараадаламмыта.
«ЛОРП» ПАО кэлэктиибэ Сергей Александровиһы үлэлээн ситиспит наҕараадатынан истиҥник эҕэрдэлиир уонна Үлэ Кыһыл Знамята уордьаннаах Өлүөнэ өрүс холбоһуктаах пароходствотын туһугар таһаарыылаах үлэни уонна бөҕө доруобуйаны баҕарар!
«ЛОРП» ПАО пресс-сулууспата.

Хаартыскаҕа: “ЛОРП” ПАО генеральнай директора С.А.Ла­рионов уонна РФ тырааныспарга миниистирэ Е.И.Дитрих.