419
12 октября 2017 в 13:33
Марфа Филиппова “Үтүө санаалаах сурутуу” акцияҕа кыттыста
Ил Түмэн народнай депутата Марфа Филиппова “Үтүө санаалаах сурутуу” акцияҕа кыттыста, ол курдук, кини “Ил Түмэн” парламент хаһыатыгар Горнай улууһун кырдьаҕастарга уонна инбэлииттэргэ интэринээт-дьиэтин, ону сэргэ Үөһээ Бүлүү улууһуттан бэтэрээн-учуутал У.Т.Барахованы суруйтарда.
«Мин бу акцияҕа кыттаммын, аҕа саастаах дьон бэйэлэрин социальнай бырааптарын туһунан быһа иһитиннэриигэ тииһимньилээх буолалларын, ону сэргэ норуот депутаттарын кытта хаһан баҕарар быһаччы сибээстэһэллэрин туһугар кинилэри өйүөхпүн баҕарабын», – диэн бэлиэтиир Ил Түмэн мандаакка уонна регламеҥҥа хамыыһыйатын бэрэссэдээтэлэ Марфа Филиппова.
«Үтүө санаалаах сурутуу» – “Ил Түмэн” Издательскай дьиэ социальнай акцията. Акция чэрчитинэн биһиги таһаарыыларбытыгар суруйтаран, эһиги социальнай тэрилтэлэр уонна нэһилиэнньэ социальнай өттүнэн көмүскэлэ суох араҥата – пенсионердар уонна инбэлииттэр бүгүҥҥү күҥҥэ тирээн турар кыһалҕаларын хайдах быһаарыахха сөбүн туһунан сонуннары уонна сытыы матырыйааллары ыла туралларыгар көмөлөһөҕүт.
Редакция иһинэн сыл аҥаарыгар сурутуу сыаната — 600 солкуобай, сыллааҕы сурутуу— 1200 солк.
Акцияҕа кыттар баҕалаах дьону Издательскай дьиэ общественноһы кытта сибээстэригэр отделга маннык төлөпүөннэргэ эрийэллэригэр көрдөһөбүт:
8(4112) 402-210; 89245961349.
