“Ил Түмэн” хаһыат үлэбитигэр көмөлөһөр

Бу күннэргэ биһиги хаһыаппытыгар “Үтүө санаанан сурутуу” акцията ыытыллар. Депутаттар Аҕа дойду Улуу сэриитин, тыыл, үлэ ветераннарыгар хаһыакка суруттараллар. Амма улууһун депутаттарын сэбиэтэ бу акцияҕа кыттыста. Ол туһунан улуус депутаттарын Сэбиэтин бэрэссэдээтэлэ Софья Александрова кэпсээтэ:

— Биһиги, Амма улууһун депутаттара, Улуу Кыайыы 75 сылын чэрчитинэн ыытыллар хаһыат акциятыгар кыттыһан “Ил Түмэн” хаһыаты ветераннар сэбиэттэрин бэрэссэдээтэлигэр Александра Петровна Шестаковаҕа, актыыбынай уопсастыбанньыкка, үлэ ветераныгар Матрена Алексеевна Барашковаҕа, уопсастыбаннай сэбиэт бэрэссэдээтэлигэр Алексей Дмитриевич Кармановка суруттардыбыт. Бу дьон бары уопсастыбаннай үлэлээхтэр. Хаһыаты сырдатыы үлэтин ыыталларыгар туһаныахтара. Хаһыат олус киэҥ ис хоһоонноох.  Олоххо-дьаһахха туох уларыйыы киирэрин, буолбутун туһунан матырыйааллар тахсаллар. Биһиги, депутаттар “Ил Түмэн” хаһыаппытын нэдиэлэ аайы кэтэһэн ааҕабыт. Үлэбитигэр да туһанабыт. Туһааннаах сокуоннар тустарынан ааҕабыт. Ол эрэн этиэм этэ, хаһыат матырыйааллара сокуоннар, бэлиитикэ тиэмэтин эрэ тула буолбатахтар. Интэриэһинэй анаарыылар, өрөспүүбүлүкэбит бэлиэ түгэнин, үлэлэригэр ситиһиилээх дьон туһунан матырыйааллар эмиэ тахсаллар. Маны таһынан депутаттар сокуоҥҥа көннөрүүлэри киллэрбиттэрин ааҕабыт, уопут ылабыт.

Оттон бэйэбит үлэбит туһунан кэпсиир буоллахха, улуус депутаттара дьаһалтабытын кытары тыл-тылбытыгар киирсэн, олус үчүгэйдик үлэлии сылдьабыт. Сэттэ хамыыһыйанан арахсан үлэлиибит. Быйыл 11 сессияны ыыттыбыт. Сэтинньигэ улууспут бюджетын ылыныахпыт. Билигин бу хайысханан депутаттар уонна баһылык буолан үгүс боппуруостары быһаарарга дьулуһабыт. Тыа хаһаайыстыбатын салаатынан, үүт соҕотуопкатын, сүөһү аһын бэлэмнээһиҥҥэ ыытыллар үлэлэр үптэрин чопчулуубут. Маны таһынан быыбардааччыларбытын кытта көрсөбүт, дьон санаатын истэбит. Быйыл Бөтүҥҥэ 240 миэстэлээх оскуола киирдэ. Саха сирин норуоттарын сэттис оонньууларыгар болдьоон спортивнай эбийиэктэр киирбиттэрэ. Аммабытыгар ыытыллыбыт бу курдук үлэлэр депутаттар уонна дьаһалта улуус дьонун-сэргэтин туһугар кыһаллан тэбис-тэҥҥэ үлэлээбиттэрин түмүгэр ситиһилиннэ дии саныыбын. Билигин Абаҕа нэһилиэгэр оскуола тутуутун туруорсабыт. Бу боппуруоска Амма улууһуттан турбут норуот депутаттара Руслан Федотов, Александр Ларионов көмөлөһөллөр.

Уважаемые читатели!

1. Покупая электронную версию Издания, вы осознаете, что покупаете ее исключительно для личного (семейного) пользования. Перепродажа или любая другая передача купленного вами номера газеты третьим лицам запрещается и может преследоваться по закону.
2. Обязанности продавца, в качестве которого выступает Издание, считаются выполненными с момента отправки Покупателю ссылка на скачивание купленного и оплаченного им номера газеты.
3. Стоимость газеты в розницу 30 руб.

ВАЖНО! Иногда, по независящим от Издания причинам, спам-фильтры Покупателя перебрасывают письмо с заказанной вами ссылкой в папку «Спам». Поэтому если вы не получили от нас автоматически сгенерированного письма со ссылкой, для начала проверьте папку «Спам». Если его нет и там — обращайтесь в нашу редакцию.