“Ил Түмэн” хаһыат – депутат бигэ бэлиэтэ!

Бу күннэргэ Саха сирин үрдүнэн бэчээккэ сурутуу көхтөөхтүк бара турар. “Ил Түмэн” хаһыакка сурутуу эмиэ саамай эппиэтинэстээх түгэнигэр тиийдэ. Хаһыат эрэдээксийэтэ бу күннэргэ чугастыы Хаҥалас, Нам улуустарыгар сылдьан, улуустааҕы уонна нэһилиэктэрдээҕи Сэбиэт депутаттарын хабан, 2019 сыл бастакы аҥаарыгар сурутууну ыытта. Биир үтүө өрүттээх түгэнинэн Хаҥалас улууһун Сэбиэтин бэрэссэдээтэлэ Анатолий Антонов уонна Нам улууһун Сэбиэтин бэрэссэдээтэлэ Иван Попов “Ил Түмэн” хаһыаты кытта бииргэ үлэлээһин туһунан Сөбүлэһии түһэрсиилэрэ буолла. Ол курдук, Хаҥаласка 70, Намҥа 70 депутат биһиги хаһыаппытыгар сурутуохпут диэн мэктиэ тылларын биэрдилэр.

Хаҥалас улууһун Дьэр нэһилиэгин депутата Мария Спиридоновна Аянитова хаһыакка биир бастакынан суруйтарда уонна бары депутаттары эмиэ сурутарга ыҥырда: «Ил Түмэн» хаһыаты депутаттар бары суруйтарыахтаахтар диэн өйдөбүллээхпин. Бу биһиги хаһыаппыт буоллаҕа, кини – хас биирдии депутат бигэ бэлиэтэ!
Хаһыат кэнники кэмҥэ норуокка ордук тиийимтиэ матырыйаал­лары суруйар, анализтыыр, туруорсар матырыйааллары таһаарар. Маннык ыстатыйалары ааҕа олорон, биһиги эмиэ маннык үлэни ыытыахпытын сөп эбит, туруорсуохпутун наада диэн үөрэтэр, билиһиннэрэр өрүттээх. Онон бары депутаттары сурутун диэн ыҥырабын. Бэйэм Дьэр нэһилиэгэр депутат быһыытынан тыа сирин олохтоохторун кыһалҕатын быһаарсыыга үлэлэһэбин, туруорсабын. Онно биһиги, депутаттар, хаһыаттара көмөлөһүөн, туруорсууларбыт туолалларыгар өйүөн наада. Маннык бэйэбитин өйөһөн үлэлээтэхпитинэ түмүгү ситиһиэхпит”, — диэн баҕа санаатын биллэрдэ.
Онтон Намнааҕы педагогическай колледж директорын солбуйааччы Миралюба Семенова, үөрэх тэрилтэтэ 2019 сыл бастакы аҥаарыгар парламент хаһыатыгар суруйтарыаҕа диэн эрэннэрэн туран, сахалыы, нууччалыы тахсыыларын колледж библиотекатыгар ааҕааччыларга табыгастаах гына ууруохпут диэтэ.

Сыл аҥаарыгар редакциятааҕы сурутуу сыаната — 600 солк., биир сылга — 1200 солк.

Маны таһынан “Россия почтатын”  кытта сөбүлэһии түһэрсэн хаһыаты  онлайн-режимҥэ суру­туох­хутун сөп.  Онлайн сурутуу  Pochta.ru.  порталын нөҥүө ыытыл­лар.

Акцияҕа кыттыан баҕалаахтар “Ил Түмэн” Издательскай дьиэ уопсас­тыбаны кытта сибээстэргэ отделын ыйыллыбыт төлөпүөннэринэн сибээстэ­һэргитигэр ыҥырабыт: 8(4112) 402-210
8(914) 108-21-50