“Сурутааччы күнүгэр” депутат кырдьаҕастарга өйөбүлэ

Ахсынньы 5 күнүгэр Дьокуускайга Россия почтатын салаатыгар “Сурутааччы күнэ” тэрээһин буолла. Манна бэчээт араас таһаарыыларын бэрэстэбиитэллэрэ кэлэн, бэйэлэрин хаһыат­тарын, сурунаалларын сырдаттылар.

Тэрээһиҥҥэ Ил Түмэн дьиэ кэргэн уонна оҕо аймах дьыалаларыгар сис кэмитиэтин бэрэссэдээтэлэ Алена Атласова кыттыыны ылла. Кини Горнай улууһунааҕы кырдьаҕастар дьиэлэригэр “Ил Түмэн” хаһыаты суруйтарда. Ону таһынан Дьокуускайга олорор сэрии бэтэрээнэ, Японияны кытта сэрии кыттыылааҕа Яковлев Петр Константиновичка эмиэ парламент хаһыатын суруйтаран, Россия почтата ыытар “Дерево добра” акциятыгар бэйэтин кылаатын киллэрдэ. Манна даҕатан эттэххэ, бэтэрээн Петр Константинович бу күннэргэ урут сэриилэспит сирдэрин көрө Японияҕа бараары бэлэмнэнэр.
Биллиилээх “Туймаада” ансаамбыл 2 ырыаны толорон, почта тэрээһинин киэргэттэ.