Фермердэр өҥөлөрү бэйэлэрэ оҥорор кыахтаныахтара

Дойдуга билигин баар макроэкономическай балаһыанньаны учуоттаан итиэннэ импорты солбуйуу чэрчитинэн агротуризм муораҕа сөтүөлээһини эбэтэр экскурсияҕа сылдьан сынньаныыны кытта тэҥҥэ олоххо киирэр кыахтааҕын депутат этэр.
«Бүгүҥҥү күҥҥэ агротуризм туһунан сокуоҥҥа агротуризмы сүрүннүүр нуормалыыр-быраап базата суох», — диэн Максимова Федеральнай Мунньах «Парламент хаһыатыгар» кэпсээтэ. Ол түмүгэр туристическай өҥөлөр ырыынактарыгар ити үлэни саҕалыан баҕалаах үгүс фермердэр тиксиһиннэрээччи буолар туроператордары кытта дуогабар түһэрсэргэ эбэтэр тыа сирин туризмын хоббиларыгар кубулутарга күһэллэллэр.
Дьиҥэр, агротуризм тыа сирин олохтоохторугар үчүгэй күүс-көмө буолуох этэ. Ол курдук, сыл тымныы ыйдарыгар үгүс тыа дьоно, ордук үүнээйи эйгэтигэр дьарыктаахтар, үлэҕэ наймылаһар кыһалҕалаахтар. «Биһиги кинилэргэ патент систематын киллэрэр туһунан этии оҥоруохпутун баҕарабыт, оччоҕуна тыа хаһаайыстыбатын табаары оҥорооччулара бэйэлэрин хаһаайыстыбаларыгар куорат олохтоохторун сынньалаҥын тэрийиэ этилэр», — диэн иһитиннэрдэ Максимова. Фермер хаһаайыстыбаларын туһунан сокуоҥҥа көннөрүүлэри киллэриигэ депутат номнуо үс сыл устатыгар үлэлиир. Чугастааҕы кэмҥэ парламентарий уонна кини коллегалара докумуону Госдума көрүүтүгэр киллэриэхтэрэ.