Үөһээ Бүлүүгэ быраҥааттаны үөскэтэллэр

Саха Өрөспүүбүлүкэтин Баһылыга Айсен Николаев СӨ экологията этэҥҥэ буолуутугар сыһыаннаах Ыйааҕын толорор уонна Үөһээ Бүлүү улууһун “Тулалыыр эйгэни харыстааһын” муниципальнай тус сыаллаах бырагырааматын олоххо киллэрэр сыалтан Дириҥ Мара күөлгэ Чернышевскайдааҕы балык собуотуттан 200 тыһ. устуука быраҥаатта ыамалара ыытылыннылар.

Балык ыамалара улуус бюджетын суотугар атыылаһыллан, “Новиков” ИП өҥөтүнэн тиэрдилиннилэр.
Бэлиэтээн эттэххэ, тырааныспар суолга тардыллыыта суох этэ, онон ыамалар бары күөлгэ тыыннаахтыы ыытылыннылар. Үөһээ Бүлүүтээҕи экологическай кэтэбил инспекцията балыгы үөскэтиигэ уопуттаах, онон быраҥаатта ыамаларын күөлгэ олохсутууга көхтөөх кыттыыны ылла. Балыктар үчүгэйдик дьиэтийиэхтэрэ диэн эрэнэллэр.
Бу күөлгэ 2017 сылга балыгы иитии өттүнэн чинчийии барбыта итиэннэ майаҕас араас көрүҥүн үөскэтиигэ үчүгэй түмүк бэриллибитэ.