759
09 февраля 2018 в 15:17
Сир иэнин улаатыннарарга этэллэр
Госдума айылҕа ресурсаларыгар, бас билиигэ уонна сир сыһыаннаһыыларыгар кэмитиэтин мунньаҕар “уһук илиҥҥи гектар туһунан сокуоҥҥа” уларытыылары киллэрэр сокуон барыла көрүллүөҕэ диэн РФ ФМ “Парламенын хаһыата” иһитиннэрдэ.
РЛДП депутаттара Андрей Андрейченко, Владимир Сысоев уо.д.а. Уһук Илин региоҥҥа гражданнарга босхо бэриллэр сир иэнин 1-тэн 10 гектарга диэри улаатыннарарга этэллэр. Сокуон барылын ааптардара итинник бөдөҥ учаастактары тыа хаһаайыстыбатын сирин быһыытынан туһаҕа таһаарарга усулуобуйалаах этии киллэрдилэр.
Андрей Андрейченко санаатынан, сокуон барыла ылыллар түгэнигэр Уһук Илин региоҥҥа аччыгый бизнескэ инвестициялары киллэриигэ суолу аһыаҕа. Андрейченко кини коллегалара көҕүлээһини өйөөбүттэрин уонна чугастааҕы кэмҥэ бастакы ааҕыыга таһаарыллыаҕын туһунан эттэ.
Оттон сокуон барылыгар үлэлиир хос толорооччу кэмитиэккэ бэлиэтииллэринэн, бу дьаһал Хоту сир аҕыйах ахсааннаах төрүт норуоттарын бырааптарын күөмчүлүөн сөп. Ол курдук, кинилэр көс олохторугар таба мэччирэҥэр элбэх сиргэ наадыйаллар.
