Корея парламентарийдара — Саха сиригэр

Саха Өрөспүүбүлүкэтин Ил Түмэнин Бэрэссэдээтэлин бастакы солбуйааччыта Александр Жирков ыам ыйын 1 күнүгэр Соҕуруу Кореяҕа рабочай сырыытыгар Кёнсанбук-до провинциятын парламенын Бэрэссэдээтэлэ Чан Кён Сигы кытта көрсүһүүтүгэр Корея парламентарийдарын Саха сиригэр ыалдьыттыылларыгар ыҥырбыта. Ол сөбүлэһии чэрчитинэн Корея парламентарийдарын делегацията бу дьыл бэс ыйын бүтүүтүгэр кэлэрэ былааннанар.

Көрсүһүүгэ Александр Жирков уонна Чан Кён Сик АРАССВА тэрилтэтин иһинэн парламеннар икки ардыларынааҕы бииргэ үлэлэһии, ол иһигэр культура, спорт, наука, үөрэх, туризм боппуруостарын дьүүллэспиттэрэ.
Соҕуруу Корея Кёнсанбук-до провинциятын парламена Саха сиригэр кэлэн Саха Өрөспүүбүлүкэтин Ил Түмэнин кытта инникитин бииргэ үлэлиир туһунан Меморандумҥа илии баттаһар санаатын биллэрдэ. Ону тэҥэ делегация Туймаада Ыһыаҕар кыттыыны ылыаҕа.

Ил Түмэн пресс-сулууспата